خدا کاشکراورساتھیوں کی سرپرستی اورسینئرزکی رہنمائی کہ وائس آف کے پی، کو شروع ہوئے ایک سال ہوچکا ہے۔

ایک سال قبل یعنی 22 فروری 2020 کو وائس آف کے پی کا باقاعدہ آغاز کیا گیا تھا۔ اس کے شروع کرنے کا مقصد یہ تھا کہ ڈیجیٹل میڈیا کے اس جدید دورمیں ایک مکمل غیر جانبداراور پروفیشنل ملٹی لینگوئج ویب سائٹ کے ذریعے خصوصاً خیبرپختونخواہ کے مسائل چیلنجز اور بدلتے حالات کوقارئین اورناظرین کے علاوہ دوسرے صوبوں اورعلاقوں تک پہنچایا جا سکے۔اس ضمن میں تمام ترصحافتی ذمہ داریوں اور پیشہ ورانہ فرائض کو سامنے رکھنے کی کوشش کی گئی تاکہ اس ادارے کی ساکھ اورموئثرایڈیٹوریل پالیسی کو یقینی بنایا جائے۔

نیوزاور ویوزکو تمام تردرکار معلومات غیر جانبداری اور پیشہ وارانہ تقاضوں کے مطابق عوام تک پہنچانے کی حتیٰ المقدور کوشش کی اور غالباً اسی کا نتیجہ ہے کہ وائس آف کے پی نے بالکل ایک نیا اور انوکھا تجربہ کرنے کے باوجود معتبر اور سنجیدہ حلقوں میں ایک برس کے مختصر عرصے میں اپنا مقام بنا کراس خطے کے ایشوز کو اجاگر کرنے میں اپنا ایک موثر کردار ادا کیا۔ ٹاپ مینجمنٹ اور ایڈیٹوریل سٹاف کی اس عرصے میں کوشش رہی کہ سینیئر صحافیوں اور تجزیہ کاروں کے علاوہ صوبے سے تعلق رکھنے والی نئی نسل کے لکھاریوں صحافیوں اور بلاگرز کی بھی وائس آف کے پی کے ذریعے بھرپور حوصلہ افزائی کی جائے ۔اس پریکٹس کے نتیجے میں جہاں  نئے لکھنے والوں نے بہترین دلچسپی اور صلاحیتوں کا مظاہرہ کرکے خود کو منوایا وہاں ان میں سے متعدد اس تجربے کے سبب مین سٹریم میڈیا میں جگہ بنانے میں بھی کامیاب ہوئے جوکہ ایک خوشگوار تجربہ ثابت ہوا۔

صوبے کے مختلف علاقوں سے تعلق رکھنے والی جنرلزم کی طالبات اور بلاگرز کو وائس آف کے پی نے بلاناغہ جس طریقے سے مواقع دے کر آگے لانے کی کوشش کی اس عمل نے اس تاثر کو غلط ثابت کیا کہ اس خطے کے لوگ خاص کر طالبات لکھنے پڑھنے میں دوسروں سے پیچھے ہیں۔ بعض لکھاریوں نے بہترین کام کیا جس کی عالمی سطح پر ستائش ہوئی یوں یہ ادارہ صوبے اور ملک کو ایک بہترین محنتی اور با صلاحیت لاٹ فراہم کرنے کا ایک پلیٹ فارم ثابت ہورہا ہے۔

ادارے نے اردو انگریزی اور پشتو میں جہاں نیوز اور کرنٹ افیئرز کو اپنے بنیادی مقاصد میں سرفہرست رکھا وہاں کوشش کی گئی کہ صوبے اور ملک میں انسانی ترقی اور کامیابیوں کے ایونٹس اورواقعات کو بھی مناسب جگہ دی جائے تاکہ دنیا کو اس خطے کی عوام خصوصاً نئی نسل کی صلاحیتوں اور کامیابیوں سے آگاہ کرکے یہ بتایا جا سکے کہ یہ مٹی بہت زرخیز ہے اور اس کا مستقبل بہت تابناک ہے۔

ملٹی میڈیا کے ذریعے کوشش کی گئی کہ ان حلقوں کو رپورٹس اورانٹرویوز کے ذریعے بنیادی معلومات پہنچائی جا سکیں اور یہ کوشش ان لوگوں کے لئے معلومات کے حصول کے لیے کافی مفید ثابت ہوئی جو کہ لکھنا پڑھنا نہیں جانتے۔ مختلف ایونٹس میں سیاحتی، ثقافتی تقریبات اور سرگرمیوں کی رپورٹس تصاویراور ویڈیو کلپس کے ذریعے پیش کرنے کی کوشش کی گئی جس کے باعث ایک مثبت اور خوبصورت پختونخواہ کا سافٹ ایمیج سامنے آیا۔ اس مختصر عرصے کے دوران ادارے نے ایک شاندار معلوماتی اور خوبصورت نیوز لیٹر بھی شائع کیا جس کو سنجیدہ حلقوں نے ناصرف بہت سراہا بلکہ یہ پشاور کی حالیہ تاریخ کا ایک نیا مگرکامیاب تجربہ ثابت ہوا۔ خیبر پختونخواہ ہردور میں سیاسی ،سماجی ثقافتی اور ادبی سرگرمیوں کا مرکز رہا ہے اور سینٹرل ایشیا کا گیٹ وے ہونے کے علاوہ افغانستان اور قبائلی علاقہ جات کی عالمی اہمیت کے تناظر میں اس کا ایک منفرد مقام رہا ہے۔ اس لیے اس کی نیوز ویلیو میں کبھی کوئی کمی واقع نہیں ہوئی۔

 کوشش کی جا رہی ہے کہ سال 2021 کے دوران وائس آف کے پی کو ناصرف پھیلایا جائے اور اس میں نئے تجربات کیے جائیں بلکہ اس کو مزید موثر اور قابلِ رسائی بنایا جائے۔ اس ضمن میں جہاں اس  کی ٹاپ مینجمنٹ، ایڈیٹوریل سٹاف اور لکھاری پہلی سالگرہ کے موقع پر مبارکباد کے مستحق ہیں وہاں ہمارے ناظرین اور قارئین کی سرپرستی پسندیدگی اور اعتماد کا بھی بہت شکریہ جنہوں نے ایک برس کے عرصے میں ادارے پراعتماد کرکے اس کو اپنا سمجھا۔

About the author

Aqeel Yousafzai

Aqeel Yousafzai

Aqeel Yousafzai is an accomplished journalist who hails from Swat. He is currently associated with AVT Khyber TV channel where he hosts a program Date Line Peshawar. He is also editor of Akhbar-e-Khyber AVT Channels Network (PVT) LTD. He is a leading columnist of KPK who writes regularly with leading national newspapers/periodicals. He is a member of Peshawar Press Club and Khyber Union of Journalists. Some of his publications are Talibanization, Operation Natamam and Islamabad Say Kabul. Aqeel Yousafzai has traveled extensively worldwide and enjoys an excellent repute.

Leave a Comment