For the first time in Orakzai district, an open court was held to solve women's problems

ضلع اورکزئی میں پہلی بار خواتین کی مسائل کے حل کیلئے کھلی کچہری کا انعقاد

ضم شدہ قبائلی ضلع اورکزئی کے تاریخ میں پہلی بار میں خواتین کی مسائل کے حل کیلئے اسسٹنٹ کمشنر لویر اورکزئی زہرہ نور نے قبائلی خواتین کھلی کچہری کا انعقاد کیا جس میں مقامی خواتین نے شرکت کرکے تعلیم صحت اور دیگر مسائل بیان کئے.
تفصیلات کے مطابق لوئر اورکزئی کلایا ہیڈ کوارٹر میں اسسٹنٹ کمشنر زہرہ نور نے خواتین کےمسائل کے حل کیلئے کھلی کچہری کا انعقاد کیا. کھلی کچہری میں خاتون کونسلروں سمیت مقامی خواتین نے کثیر تعداد میں شرکت کرتے ہوئے اپنے مسائل بیان کئے اس موقع پر محکمہ تعلیم اور محکمہ صحت کے زنانہ افسیرز نے شرکت کی تھی. کھلی کچہری سے خطاب کرتے ہوئے اسسٹنٹ کمشنر زہرہ نور نے کہا کہ قبائلی اضلاع میں خواتین کے مسائل حل کرنا ضلعی انتظامیہ کی اولین ترجیحات میں شامل ہیں. خواتین کو صحت تعلیم اور تمام بنیادی سہولیات فراہم کرنے کیلئے تمام تر انتظامات بروئے کار لاکر مسائل حل کریں گے. جس معاشرے میں خواتین تعلیمی یافتہ ہو وہ معاشرہ خودبخود ترقی کرتا ہے. کھلی کچہری کے موقع پر اسسٹنٹ کمشنر زہرہ نور نے اکثر مسائل کے حل کیلئےموقع پر احکامات جاری کئے.

Conducting a one-day consultative meeting on rules and regulations on behalf of Peshawar Capra

پشاورکیپرا کی جا نب سے قواعدوضوابط پر ایک روزہ مشاورتی اجلاس کا انعقاد

شادی ہال اور ریسٹورنٹ پر 8 فیصد ٹیکس کی بجائے فیکس ٹیکس لگائیں گے تمام شادی ہالز اور ریسٹورنٹس کو رجسٹرڈ اور ٹیکس نیٹ میں لائیں گے۔پراپرٹی ٹیکس 23 فیصد زیادہ ہے جس کی وجہ سے لوگ اسٹامپ پیپرز پر زمین کی ٹرانسفر کرتے ہیں۔ 23 فیصد پراپرٹی ٹیکس میں سے 6 فیصد صوبے کو باقی وفاق کو جاتاہے مشیر خزانہ خیبرپختونخوا مزمل اسلم کا خیبرپختونخوا ریونیو اتھارٹی کے مشاورتی اجلاس کے دوران بتایا کہ شادی ہال اور ریسٹورنٹ پر 8 فیصد ٹیکس کی بجائے فیکس ٹیکس لگائیں گے جبکہ صوبے بھر میں تمام شادی ہالز اور ریسٹورنٹس کو رجسٹرڈ اور ٹیکس نیٹ کے دائرہ کار میں لائیں گے۔ اجلاس کا انعقاد گزشتہ روز سب نیشنل گورننس پروگرام کے تعاون سے نجی ہوٹل پشاور میں کیا گیاجس میں وکلاء، ماہرین ٹیکس، سرکاری افسران اور وید ہولڈنگ ایجنٹس کے علاوہ چیمبر آف کامرس کے نمائندوں نے شرکت کی۔ مشیر خزانہ مزمل اسلم نے ڈی جی کیپرا کو موقع پر وومن ڈیسک بنانے کی ہدایات جاری کرتے ہوئے کہا کہ خواتین کے کاروبار کو وسعت دیں گے اور ٹیکس نرخ کی شرح کم سے کم کریں گے۔ مشیر خزانہ نے کہا کہ مقامی ٹیکس آمدنی میں ہر صورت اضافہ کیا جائے گا کیونکہ آبادی کے تناسب سے صوبے میں ٹیکس کلیکشن بہت کم ہے جبکہ خیبرپختونخوا میں سیاحت سمیت متعدد شعبوں پر ٹیکس صفر ہے انہوں نے کہا کہ خیبرپختونخوا میں آبادی کے تناسب سے ٹیکس بہت کم ہے۔ ایک سوال کا جواب دیتے ہوئے مشیر خزانہ نے کہا کہ پراپرٹی ٹیکس 23 فیصد بہت زیادہ ہے جس کی وجہ سے لوگ اسٹامپ پیپرز پر زمین کی منتقلی کرتے ہیں اور اسی 23 فیصد پراپرٹی ٹیکس میں سے 6 فیصد صوبے کو باقی وفاق کو جاتاہے۔ خیبرپختونخوا ریونیو اتھارٹی کے مشاورتی اجلاس سے خطاب کرتے ہوئے مشیر خزانہ نے کہا کہ خیبرپختونخوا 93 فیصد اخراجات کیلئے وفاق پر انحصار کرتا ہے اور صرف 6.5 فیصد صوبے کی اپنی آمدنی ہے۔ اجلاس کے مہمان خصوصی وزیراعلی کے مشیر برائے محکمہ خزانہ مزمل اسلم نے اجلاس میں شرکاء کی تشریف اوری پر ان کا شکریہ ادا کیا اور کہا کہ ان کی اج یہاں پر موجودگی اس بات کی عکاسی کرتی ہے کہ وہ خیبر پختونخوا میں ایک کاروبار دوست ماحول بنانے کیلئے کی جانے والی کوششوں کیلئے سنجیدہ ہیں۔ ان کا کہنا مزید یہ کہنا تھا کہ ان قواعد و ضوابط سے سیلز ٹیکس ان سروسز ایکٹ 2022 میں بیان کردہ صولوں میں جان آئے گی اور KPRA کے افسران کے کام میں بہتری آئے گی۔ اس طرح ادارے کی جانب سے جمع کردہ محاصل میں بھی اضافہ ہوگا اور ہمارا ملک اور صوبہ ترقی کی راہ پر گامزن ہوگا۔ انہوں نے کہا کہ جیسا کہ اپ سب کو معلوم ہے کہ کسی بھی ملک کے لیے ٹیکسز سے انے والی امدنی کی بے حد اہمیت ہوتی ہے اور اس سے اس ملک میں خوشحالی اور ترقی اتی ہے۔ ہم اپنے صوبے کو مالی طور پر مستحکم اور خود مختار دیکھنا چاہتے ہیں اور اس کے لیے ہمیں طویل المیاد سٹریٹجی اور معیاری قانون سازی کی ضرورت ہے۔آج اس اجلاس میں جن قواعد و ضوابط پر ہم نے بات کی وہ ہمارے سیلز ٹیکس ان سروسز کے انتظام کے لیے ریڑھ کی ہڈی کی حیثیت رکھتے ہیں۔خیبر پختونخوا ریونیو اتھارٹی کے متعلق بات کرتے ہوئے ان کا کہنا تھا کہ یہ ادارہ صوبائی محاصل اکٹھے کرنے کا سب سے بڑا ادارہ ہے جو کہ خیبر پختون خوا کو ایک خود مختار صوبہ بنانے کے لیے اپنا کلیدی کردار ادا کر رہا ہے۔ انہوں نے عوام سے اکٹھے کئے جانے والے ٹیکسز پر شروع کیے گئے ترقیاتی کاموں اور عوامی فلاحی منصوبوں جیسا کہ صحت سہولت کارڈ، پشاور بی ار ٹی منصوبہ اور دیگر تریاقیاتی منصوبوں کی مثالیں دی۔ ان کا کہنا تھا کہ تمام ترقیاتی منصوبوں اور عوامی فلاحی کاموں کی سر انجام دہی کے لیے ٹیکسز کی ضرورت ہے اور یہ تب ہی ممکن ہوگا جب حکومت اور عوام مل کر شانہ بشانہ کام کریں گے۔صوبے میں ٹیکس کلچر کو فروغ دیں گے اور اس صوبے کی ترقی میں اپنا کردار ادا کریں گے۔

اجلاس میں اپنے خطاب کے دوران خیبر پختونخوا ریونیو اتھارٹی کی ڈائریکٹر جنرل محترم فوزیہ اقبال نے اجلاس میں تشریف آوری پر سب نیشنل گورننس پروگرام کے نمائندوں، سرکاری افسران، مہمان خصوصی اور تمام مہمانوں کا شکریہ ادا کیا۔انہوں نے اپنے خطاب میں ان قواعد و ضوابط کی ضرورت اور اہمیت پر روشنی ڈالی۔ ان کا کہنا تھا کہ سیلز ٹیکس اینڈ سروسز ایکٹ 2022 کی قانون سازی کے بعد ادارے کو اس قانون کو مکمل طور پر نافذ العمل کرنے کے لیے اور صاف اور شفاف طریقے سے اس کے مطابق کام کرنے کے لیے قوانین و ضوابط وضع کرنے کی ضرورت تھی۔ان کا کہنا تھا کہ قوانین و ضوابط سے ایک جانب ان کے افسران کہ روزمرہ کے کاموں میں مزید بہتری ائے گی تو دوسری جانب افسران کی اکاؤنٹیبلٹی بھی ممکن ہو سکے گی۔ ڈائریکٹر جنرل کے پی اے ار اے کا کہنا تھا کہ ان رولز اینڈ ریگولیشنز کی بدولت عدالت میں جاری مقدمات کو شفاف اور بہتر طریقے سے چلانے میں بھی مدد ملے گی۔ فوزیہ اقبال نے کہا کہ اجلاس کا مقصد تمام سٹیک ہولڈرز کی آرا ء اور تجاویز کو ان قواعد و ضوابط کا حصہ بنانا تھا تاکہ یہ قواعد و ضوابط خیبر پختونخوا ریونیو اتھارٹی اور ٹیکس دہندگان دونوں کے لیے مفید اور سود مند ہوں۔

اجلاس کے دوران خیبر پختونخوا ریونیو کے ایڈوائزر برائے ٹیکس انفورسمنٹ جناب فضل امین شاہ اور اس این جی کے ماہرین نے ان رولز اور ان قواعد و ضوابط پر تفصیلی بریفنگ دی اور لوگوں کے سوالات کے جوابات دیے۔

Repatriation of illegal Afghan refugees through Torkham border

خیبرپختونخوا سےافغان مہاجرین کی واپسی کا دوسرا مرحلہ

وفاقی حکومت کی ہدایت پر افغان مہاجرین کی واپسی کی تیاریاں شروع کردی گئیں۔ ضلعی انتظامیہ اور پولیس کو افغان مہاجرین کےٹھکانوں کا پتا لگانےکی ہدایت سختی سے کی گئی ہے۔افغان سیٹیزن کارڈز رکھنے والوں کی تعداد،کاروبار اور دیگرکوائف جمع کیےجارہےہیں۔ ایڈیشنل چیف سیکرٹری کا کہنا تھا کہ افغان مہاجرین کی وطن واپسی نیشنل ایکشن پلان کا حصہ ہے۔ پہلےمرحلےمیں2لاکھ سےزیادہ افغان مہاجرین کو طورخم بارڈرکےراستے بھیجاگیا۔ دوسرے مرحلےمیں افغان مہاجرین کو وطن بھیجنے کیلئےسروے جاری ہے۔ 30 اپریل تک سروے مکمل کرلیا جائے گا۔ افغان مہاجرین کی وطن واپسی کیلئےتاریخ مقرر نہیں کی۔ موسم گرما کےآغاز میں یہ عمل شروع کیا جائے گا۔

World TB Day was celebrated under Abbottabad Health Department

ایبٹ آبادمحکمہ صحت کے زیر انتظام ٹی بی کا عالمی دن منا یا گیا

ایبٹ آباد ٹی بی کے عالمی دِن کے موقع پر ایسو سی ایشن فار ڈیو یلپمنٹ کے زیر اہتمام ایڈیشنل ڈائریکٹر ہیلتھ ہزارہ ڈاکٹر فیصل خانزادہ کی زیر قیادت ریلی نکالی گئی۔ جس میں محکمہ صحت سے وابستہ افراد نے بڑی تعدادنے  شرکت کی۔

rains, strong winds and snowfall

خیبرپختونخوا میں کل بروز بدھ سے بارشوں تیز ہواؤں اور پہاڑوں پر برفباری شروع ہونے کا امکان

خیبرپختونخوا میں کل بروز بدھ سے بارشوں تیز ہواؤں اور پہاڑوں پر برفباری کا سلسلہ شروع ہونے کا امکان ہے۔ پی ڈی ایم اے نے تمام ضلعی انتظامیہ کو الرٹ رہنے کے لیے مراسلہ جاری کردیا۔ بارشوں اور برفباری کے پیش نظر ضلعی انتظامیہ کو پیشگی اقدامات اٹھانے کی ہدایت کی گئی۔ ۔ برفباری اور بارشوں سے بالائی اضلاع میں لینڈ سلائیڈنگ کا بھی خدشہ ہے۔ ضلعی انتظامیہ کو چھوٹی بڑی مشینری کی دستیابی یقینی بنانے کی ہدایت کی گئی۔ ۔تیز ہواؤں کی صورت میں میں عوام بجلی کی تاروں، بوسیدہ عمارتوں و تعمیرات، سایئن بورڈز اور بل بورڈز سے دور رہے۔ حساس بالائی علاقوں میں سیاحوں اور مقامی آبادی کو موسمی حالات سے باخبر رہنے کے لیے احتیاتی تدابیر اپنانے کی ہدایت دی گئیں۔ حساس اضلاع میں ضلعی انتظامیہ کو مقامی آبادی تک پیغامات مقامی زبانوں میں پہنچائے جائیں۔ کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اور سڑک کی بندش کی صورت میں ٹریفک کے لئے متبادل راستے فراہم کئے جائیں۔ حساس علاقوں میں صوبائی اور قومی شاہراہوں پر مسافروں کو پیشگی خبردار کیا جائے۔ اس دوران ہنگامی خدمات کے اہلکاروں کی دستیابی یقینی بنائیں۔ سیاحوں کو موسمی صورت حال سے آگاہ کیا جائے۔ بارشوں اور برفباری کا سلسلہ 31 مارچ تک وقفے وقفے سے جاری رہنے کا امکان ہے۔ پی ڈی ایم اے کا ایمرجنسی اپریشن سنٹر مکمل طور پر فعال ہے عوام کسی بھی نا خوشگوار واقعے کی اطلاع 1700 پر دیں. پی ڈی ایم اے

Buying and selling of inflammable materials, crackers etc. is a legal offence

پٹاخوں کی خرید و فروخت پر پابندی

مردان کے تھانہ ہوتی پولیس نے بڑی مقدار میں آتش گیر مواد ، پٹاخے وغیرہ رکھنے کے الزام میں 03 دوکانداروں کو گرفتار کرلیا ہے۔ بدھ کے روز ایس ایچ او مراد خان کی قیادت میں کاروائی کرتے ہوتے ہوتی پولیس نے آتش گیر مواد ، پٹاخے ساتھ رکھنے والے دکاندار ذیشان،عزیر اور محمد ریاض ساکنا ن پارہوتی کو گرفتار کرلیا۔ گرفتار ملزمان کے قبضے سے بڑی مقدار میں پٹاخے اور آتش گیر مواد برآمد ہوکر انکے خلاف تھانہ ہوتی میں مقدمات درج رجسٹرڈکیے گئے۔ مردان پولیس نے تاجروں اور دکانداروں کو خبردار کیا ہے کہ آتش گیر مواد ، پٹاخے وغیرہ کی خرید و فروخت قانونی جرم ہے. خلاف ورزی کی صورت میں آپ کے خلاف قانونی کارروائی عمل میں لائی جائیگی۔

 

 

 

 

 

 

 

Snow Sports Festival in MadakLasht

مداک لشت میں سنو سپورٹس فیسٹول

چترال کے علاقے مداک لشت میں سنو فیسٹیول کے اففتاحی تقریب کا انعقاد کیا گیا جس میں ضلعی انتظامیہ اور چترال سکاؤٹس کے افسران کے ساتھ ساتھ مقامی لوگوں نے شرکت کی۔ گزشتہ روز ہونے والے سنو سپورٹس فیسٹول کے اففتاحی تقریب کے دوران بچییوں نے مہمانوں کو خوش آمدید کہا۔ مہمانوں میں ڈپٹی کمشنر لوئر چترال محمد عمران یوسفزئی،کمانڈنٹ چترال سکاؤٹس کرنل بلال جاوید،اے سی دروش اسامہ،کرنل قیصر،میجر سلطان اور دوسرے معززین علاقہ شامل تھے۔

 

 

pakistan turbat air base under attack

تربت: پاک بحریہ کے ایئر بیس پر حملے کی کوشش ناکام

تربت میں دہشت گردوں کی پاک بحریہ کے ایئر بیس پی این ایس صدیق پر حملے کی کوشش ناکام بنا دی گئی۔ پاک فوج کے شعبۂ تعلقاتِ عامہ (آئی ایس پی آر) کے مطابق اثاثوں کی حفاظت یقینی بناتے ہوئے سیکیورٹی فورسز کے بر وقت اور مؤثر جواب نے حملہ ناکام بنایا۔ آئی ایس پی آر نے بتایا ہے کہ بحری دستوں کی مدد کے لیے ارد گرد موجود سیکیورٹی فورسز کو فوری متحرک کیا گیا، مسلح افواج کی جانب سے ہم آہنگ مؤثر جواب دیتے ہوئے مشترکہ کلیئرنس آپریشن کیا گیا۔ مشترکہ کلیئرنس آپریشن میں چاروں دہشت گردوں کو ہلاک کر دیا گیا۔ تربت میں ایئر بیس پی این ایس صدیق پر دہشت گردوں کی جانب سے حملہ 25 اور 26 مارچ کی درمیانی شب کیا گیا۔ شدید فائرنگ کے تبادلے میں ایف سی بلوچستان کے 24 سالہ سپاہی نعمان فرید شہید ہوئے، جن کا تعلق مظفر گڑھ سے ہے۔ آئی ایس پی آر نے بتایا ہے کہ علاقے میں مزید کسی دہشت گرد کے خاتمے کے لیے کلیئرنس آپریشن جاری ہے۔ پاک فوج کے شعبۂ تعلقاتِ عامہ کا یہ بھی کہنا ہے کہ مسلح افواج ملک سے دہشت گردی کی لعنت ہر قیمت پر ختم کرنے کے لیے پُر عزم ہیں۔

Inauguration of interactive and virtual tourism website

ورچوئل ٹورازم ویب سائٹ کا افتتاح

خیبرپختونخوا کے مشیر سیاحت، ثقافت و آثارقدیمہ زاہد چن زیب نے منگل کو پشاور میں ایک سادہ مگر پروقار تقریب کے دوران کلچر اینڈ ٹورازم اتھارٹی کے زیراہتمام انٹرایکٹیو اور ورچوئل ٹورازم ویب سائٹ کا افتتاح کیا۔ اس نئے ویب سائٹ میں صوبہ کے تمام اہم سیاحتی مقامات کی باتصویر تفصیلات کے علاؤہ آن لائن ورچوئل سیر کرنے کی سہولیات بھی دستیاب ہیں اور کوئی بھی وزیٹر وی آر پہن کر کسی بھی سیاحتی مقام کو کلک کرے تو اسے ایسا محسوس ہوگا جیسے وہاں خود پہنچ چکا ہے اور اپنی من پسند کسی بھی جگہ گھوم پھر سکتا ہے۔ مشیر سیاحت نے اس کوشش کو سراہتے ہوئے صوبہ بھر کے ورچوئل ٹورازم پر بھرپور توجہ دینے کی ہدایت کی اور سیاحتی مقامات کے علاؤہ مختلف مزہبی و ثقافتی اور آثارقدیمہ کے مقامات کو بھی اس ویب سائٹ میں ورچوئل ٹورازم کی زینت بنانے پر زور دیا۔ اسی طرح انہوں نے ضم اضلاع کے تمام سیاحتی و ثقافتی اور آثارقدیمہ کے مقامات کو بھی ورچوئل ٹورازم کی فہرست میں شامل کرنے کی تاکید کی جو اب صوبے کا ناگزیر حصہ بن چکے ہیں اور ملکی و غیر ملکی سیاح وہاں جانے کے متمنی ہیں۔ انہوں نے ویب سائٹ پر دیگر خدمات کے علاؤہ ہوٹل بکنگ سے منسلک تمام سہولیات بھی وب سائٹ پر مہیا کرنے کی ہدایت کی تاکہ ون ونڈو آپریشن کے تحت کوئی بھی تشنگی باقی نہ رہے اور واضح کیا کہ ان اقدامات سے ویب سائٹ کے ناظرین کے علاؤہ اتھارٹی کی آمدن میں بھی خاطر خواہ اضافہ ہوگا۔ زاہد چن زیب نے کہا کہ وہ پارٹی سربراہ عمران خان کے ویژن اور وزیراعلی علی امین گنڈاپور کے اعتماد پر پورا اترتے ہوئے صوبہ میں سیاحت و ثقافت کی ترویج کیلئے کوئی دقیقہ فروگزاشت نہیں کریں گے جبکہ ٹورازم انڈسٹری دنیا میں آمدن کا سب سے بڑا ذریعہ ہے اور ہم صرف سیاحت کی صنعت سے اپنے صوبہ کو مالدار اور خوشحال ترین صوبہ بنا سکتے ہیں۔ مشیر سیاحت نے موسم گرما کا سیزن شروع ہونے کے سبب گلیات، ہزارہ، ملاکنڈ اور چترال سمیت تمام سیاحتی میں سیاحوں کیلئے اضافی سہولیات کی فراہمی اور نئے سیاحتی مقامات کھولنے کیلئے اقدامات تیز کرنے کی ہدایت بھی کی۔

کاکول کیمپ میں شرکت کے لیے 26 پاکستانی کھلاڑی ایبٹ آباد پہنچ گئے

کاکول کیمپ: 26 پاکستانی کھلاڑی ایبٹ آبادمیں

جمعرات سے شروع ہونے والے کاکول کیمپ میں شرکت کے لیے 26 پاکستانی کھلاڑی ایبٹ آباد پہنچ گئے۔ بابر اعظم، افتخار احمد اور نسیم شاہ عمرہ کی ادائیگی کے بعد آج پاکستان پہنچیں گے اور کل کیمپ جوائن کریں گے۔ کھلاڑیوں کا آج جسمانی معائنہ کیا گیا۔ کاکول کیمپ کل سے شروع ہوگا۔